رواية أولاد فريدة بقلم إيمان فاروق من الثامن والعشرين إلى الثلاثون والأخيرة

لها فلبني مازلت تستشعر معها الحنان التي تفتقده منذ رحيل ابويها وهذه السيدة تذكرها بحنان امها الراحلة لتهتف لها بحب قائلة السلام عليكم يامي ..عاملة ايه ..يارب تكوني بخير .
فريد بود وحبور قائلة وعليكم السلام ورحمه الله وبركاته..انتي عاملة ايه ياغالية ..وحشتيني يالبنى يابنتي ..صوتك وحشني .
يارب يخليكي لينا يا ست الكل ..يارب تكوني بخير . قالتها لبني بتمني حقيقي لها بالخير لتجيبها الأخري برضا الحمدلله انا في نعمة من الله من ساعة ما رهف بنتي رجعت وهيا مرعياني ومش مخلياني محتاجة لحاجة ..نفسي تيجي اعرفك عليها ..متتخبرش عنك في حنيتك كده يالولو .
لبني بود الله ..حلوة لولو من بقك ياماما ..فكرتيني بامي الله يرحمها ويدكي طولة العمر .
فريدة بشفقة عليها ربنا يرحمها يابنتي ويصبرك ويقويكي على حياتك ومسئولياتك ..بس بردوا لازم تيجي علشان انا محتجاكي في توصيلة كده .
لبني في استفسار نحو تلك الوجهة التي تريد الذهاب نحوها طب ومالة ياست الكل ..انا تحت امرك بس على فين العزم علشان اجهز نفسي .
انا ناوية ارجع النهاردة للبيت ..ولادي خلاص جابو اخرهم ومش عيزاهم يقللقوا من نفسهم علشان خاطري ..وسرددت لها نيتها في العودة حتى لا يلجأون الى التواصل مع الشرطة فهى تغيبت عنهم كثيرا وصمتوا على أمل ان يجدوها هنا اوهناك ولكنهم فشلوا في هذا الأمر حتى باتت هى حزينة عليهم اكثر من حزنها منهم ولذلك قررت العودة اليهم وليكن ما يكون حتى وان غضبوا منها من أجل فعلتها معهم فهى ستعود حتى لا يطرون لأبلاغ الشرطة وعمل بلبلة حولهم ولتوافقها لبني الرأي قائلة عين العقل يا ست الكل ..وانا فوريرة هتلاقيني تحت باب البيت منتظراكي كمان نصاية ..واغلقت الخط وهى تهتف بداخلها بالدعاء لهذه الفتاة الطيبة التي حدفتها الاقدار نحوها لتكون سندا لها كما لو ولدتها من رحمها ..لتحمد الله على ما اتاها من خيرات وتتوجه للداخل نحو الخزانة لتلملم اشيائها وهى عازمة للعودة من جديد لتواجه اولادها وتعيد معهم المسار الى اتجاهه السليم . 
. . . . . . . . . . . . . . 
مازلت الوجوه المحبة للجارة تتلوع فقدانها فأم محمود تحاول دائما التواصل بأبنائها في الذهاب والأياب والسؤال عليها للأطمئنان لتأتيهاةالجارة الاخرى ام سعد لترافقها في جلستها ويتبادلن الحديث الا مفيش اخبار عن الست فريدة يا ام سعد .
تجيبها الأخرى بأسى وهى تقول ابدا والله يا أم محمود ..معرفش حاجة ..كل الأخبار بينا على وشوش ولادها المليانه حزن ..دول يا حبة عيني شكلهم مبينمش واللي جري لأهالى نسوانهم يحرام ..كل واحده عندها مصېبة اكبر من التانية ..أحلام متبهدلة ورا اخوها ياحبة عيني وامها وابوها باعو اللي وراهم وقدامهم علشان يكملوا مصاريف العمليات مهو اصله هيعمل كذا عمليه وكل واحدة اخطر من التانية ياقلب امه ..ربنا ينجيه علشان امه الغلبانه.
ام محمود وهى تمصمص شفتيها في تشديق يا حول الله يارب ..كان مستخبي للحارة دا كله فين .. الأخبار كلها وحشة اذا كان على ابن ام احلام والا الحاجة فريدة وغيبتها اللي طولت ..والا الست الغلبانة ام أمال اللي لقوها هى وبنتها مرمين في شقتهم ولولا الدكتور رءوف الله يباركله كان رايح يطمن على الست المړيضة لكانت مراته راخرة راحت فيها ..ربنا يرحمها ويصبر قلب بنتها ويرجعها لعقلها ..اصلهم بيقولو اټجننت .
تدخلت من كانت تخرج من الداخل وهى تخبط على صدرها بكفها قائلة وما كانت غير زوجه ابنها التي قالت يالهوي يامه ..انت بتقولى ايه اسمها عيانة نفسية ..وياريت متقوليش حاجة احسن حد من عند الجماعة يسمع ويزعلوا .
وهو انا قلت ايه يعني ..مش احنا لما روحنا نعزي كانت زي المجانين ومش دريانه بينا ..هو انا جبت حاجة من عندي ..قالتها الحماة وهى تتلوي بفمها فهى لا تعرف معني للمرض النفسي سوي الجنون .
لتتدخل الجارة الأخرى قائلة مرات ابنك معاها حق يا ام محمود ..الست فريدة ولادها مش نقصين وكفايه اللي هما فيه وربنا يختي يشفي كل مريض ..ليستوقفهم قدوم احدهم وهم يعرفوه عز المعرفة لتهتف احدهن قائلة بسعادة بالغة مش دا الاستاذ نديم جوز الست رهف شكلة جه من السفر علشانها .
الأخري بفرحة ظاهرة عليها فهى تحب رهف التي تستأنس بوجودها كل يوم كحال أمها التي كانت تغدقهم بحنانها اه والله هو ..ربنا هداه وشكله ناوي يصالحها ..ربنا يهديها وترضى ترجعله .
ليتمتمن جميعهن بالدعاء لها ولأسرتها بالهناء والراحة..فكم يشقيقهن شقائهم فتلك السيدة فريدة اثرها باقي على قلوبهن مما يجعلهن اسيرات لها .
ليتفاجأن بعد قليل بأحد سيارات الأجرة البيضاء تأتي نحوهم لتترجل منها الجارة الغالية ليقفن قافزات نحوها في سعادة ليتبادلن معها السلام والترحاب فك اشتقن لحديثها ولكنهم تحت نظرات لبني التي طالبتهم بالتحلى بالصبر وعدم الصياح حتى تدخل السيدة بيتها بأمان وبعدها