قصة مشوقة كاملة
هايا ولكنه لم يقف كثيرا ودلف للداخل فقررت هايا أن تدخل خلفه كى تحدثه حتى لا يتضايق منها منصف فيجب أن تخبر يونس انها لم تعد صغيرة بعد الآن ٠٠
دلفت خلفه وجدته قد صعد غرفته وأغلق باب الغرفة فوقفت أمام باب غرفته متوترة قليلا ثم طرقت باب الغرفة ففتح يونس باب الغرفة وجدها أمامه ويبدو عليها الإرتباك فقال
عاوزة ايه !
بقولك انا مش فايق دلوقتي لأى كلام ولا عايز اتكلم
نظرت له بأندهاش من اسلوبه ذاك وقررت أن تذهب بعيدا فشعر هو بتأنيب الضمير لما دوما يصب غضبه عليها وهى لم تفعل له أى شئ فقال وهو يراها تتجه إلى غرفتها
تعالى يا هايا ٠٠ عاوزة ايه !
إلتفت له ثم تقدمت نحوه وقالت
5 دقايق مش هاخد من وقتك كتير
ادخلى
اتكلمى
ف٠٠ فى واحد اتقدم ليا وانت مسافر
جلس يونس بجوارها على الأريكة ثم قال
وبعدين !
م٠٠مفيش ٠٠ انا وافقت عليه هو كويس ومحترم
ابتسم يونس قليلا ثم قالت
طب كويس مبروووك يا هايا
اه ٠٠ بس ٠٠ بس اصل يعنى مش هينفع يا يونس تدخل عليا الأوضة قبل
ما تخبط
ا٠٠ انا عارفة انك بتعتبرنى زى اختك ٠٠ بس اصل ٠٠ انا ايوة انا هتحجب عشان كده لازم تخبط عشان احط طرحة فوق راسى
ظهرت على شفتاى يونس ابتسامة ثم هز رأسه بالإيجاب ولكنها وجدت حزن بداخل عينه فقالت هى
انت زعلت منى !
هز رأسه نافيا ثم قال
لا خالص يا هايا مش منك نهائى انا تعبان شوية ومحتاج انام ٠٠ ممكن !
ثم نهضت هايا من مكانها وخرجت بخارج الغرفة فنظر يونس لأسفل ومرر يده فى خصل شعره پغضب شديد ثم زفر وركل المنضدة التى امامه فانزحت قليلا دون أن تقع ٠٠
فى صباح اليوم التالى قرر محمد أن يذهب إلى منزل يونس كى يعرف ماذا حدث به ولماذا لا يجيب عبر الهاتف وصل إلى المنزل وطلب من الخادمة أن تخبر يونس بأنه ينتظره بالأسفل صعدت الخادمة للأعلى واخبرت يونس بأن صديقه بالأسفل فهبط يونس لكى يقابله حين رأه محمد علم إنه يوجد خطب ما به فنظر له ثم قال
جلس يونس على المقعد الذى امام محمد ثم قال
مكنتش قادر اتكلم
انت قابلت آسيا مش كده !
هز يونس رأسه بالإيجاب فتابع محمد
واللى حصل !
رفضتنى ٠٠ مش عاوزة تبقى مع واحد بتاع بنات زيى حقها طبعا
كرر محمد بذهول
رفضتك !! بس انت كنت بتقول ان علاقتكوا اتحسنت و ٠٠
بس مش لدرجة انها تحبنى برده
لم يكن يونس يريد قول الحقيقة كاملة ل محمد حتى لا يكرهها أحد ف آسيا محقة فيما فعلته به هو يستحق كل كلمة قالتها له ٠٠
بينما كانت هايا بالجامعة مع أصالة اندهشت أصالة حين رأتها بذلك الفستان والحجاب وقالت
ايه يا بنتى ده طقت فى دماغك فجاءة كده
فزمت هايا شفتاها ثم قصت لها إنها فعلت ذلك من أجل أن لا تضايق يونس وانها اضطرت للكذب ولكن هى اصلا كانت منذ أن علمت أن منصف يريدها محجبة قد اشترت ملابس للمحجبات كى تكون لديها ولكنها كانت مترددة فى ارتدائه فشعرت أصالة بالحزن من حديثها ذاك ثم قالت
بس المفروض شئ زى ده تعمليه وانتى حابة مش عشان اتحرجتى وبعدين مفيش شئ محرج قولتيه ل يونس انتى قلتى الصح
بس هو دايما بيشوفنى زى اخته لما اقوله شئ زى كده يبقى بشك فيه
هزت أصالة رأسها نافية ثم قالت
مش صحيح يا هايا وبعدين ما يزعل ولا يتفلق انتى مالك انتى قلت المفروض كونه بيعتبرك زى اخته عمره ما هيغير الواقع انكوا مش اخوات ومنصف كان معاه حق يجوز يدخل فى مرة تكونى انتى بتغيرى فيها هدومك ولا خارجة من الحمام هيكون ايه شكلك وشكله
تنهدت هايا ثم هزت رأسها بأقتناع وقالت
عموما انا مش مضايقة أنى اتحجبت كده كده كنت
بفكر فى الموضوع بس كان نفسى فعلا اعمله بدون ضغط بس انا مش هقلعه
ابتسمت لها هايا ثم استمعت إلى صوت رسالة من هاتفها ففتحت الهاتف وجدت رسالة من أنس
وحشتينى
ابتسمت قليلا ثم أرسلت له
هشوفك النهاردة إن شاء الله مش كده !
لما اجى اذاكر مع هايا
ياارب الوقت يعدى
ابتسمت هى قليلا فنغزتها هايا فى كوعها ثم قالت
من يوم ما اتصالحتى مع أنس بقيتى زى الهبلة بتضحكى فى اى وقت
فرفعت أصالة الكتب الخاصة بها للمحاضرات واصطنعت آنها ستضربها على رأسها بهم وهى تقول
رخمة
فضحكت هايا كثيرا فشاركتها أصالة فى الضحك أيضا ٠٠
داخل منزل مدحت الشريف وقف رجل أمام مكتبه فنظر له مدحت وهو يقول
عملت ايه !
أنس تحت المراقبة يا كبير
انا عاوز اخلص منه فى اقرب وقت ومش بس كده لا ده بڤضيحة كمان مستحييييل مستحيييل اعدى اللى عمله معايا
