أحببت زوجي ولكن
اسود طلاق انتو ايه اللي حصلكو يا عيالي
قالتها زينب پصدمة وهي بتخبط علي رجليها ورجعت بصت لعمر وسألته بحزن
ليه يا ابني ايه اللي حصل اكيد انت زعلتها يا عمر ريتاچ دي تتحط عالجرح يطيب
عمر ابتسم بسخرية ورد علي امه بحزن حسيته هي في شكله وصعب عليها لانها اول مرة تشوفه مكسور كدة
ريتاچ انا مبقتش اناسبها يا امي هي احسن من انها تعيش مع واحد زي
انت ايه اللي بتقوله ده يا عمر انت ليه شايف نفسك قليل اوي كدة يابني وبعدين تعالا هنا ريتاچ اللي قالتلك كدة
عمرك حرك راسه يمين وشمال بنفي ورد بحزن
لا يا امي ريتاچ عمرها ما اتكلمت ريتاچ دايما كانت بتتعامل معايا بكل حب بس انا اللي كنت دايما شايفها احسن مني طول الوقت خاېف ابينلها مشاعري واني بحبها اوي فتاخد ده نقطة ضعف ليا وتسيبني انا بحبها اوي يا امي بس مشكلتي اني مش بعرف اعبر مش بعرف اقول كل الكلام الحلو اللي بتبقي نفسها تسمعه كل ما بشوف نجاحها بفرح اوي بس بخاف يا امي بخاف يجي اليوم اللي تتخلي عني عني فيه وتسيبني عشان هي مش محتجالي
انت غلطت يا عمر ايوة يابني غلطت وانا من واجبي اني اوعيك مراتك مكنتش عايزة منك غير كلمة حلوة تهتم بيها تحسسها انك ملكش غيرها وان زعلها يفرق معاك الست مننا يا عمر يابني لما مبتلاقيش الاهتمام من جوزها ولا الحنية بتبقي ضعيفة وباهتة ثم مين قالك انك لما تظهر مشاعرك ليها تبقي ضعيف مين قال كدة ده منتهي القوة يابني انت لما تبين مشاعرك وحبك ليها هتلاقي ده بينعكس عليها هي هتلاقيها دايما عايزة ترضيك عشان تسمع منك كلمة حلوة هتلاقيها كلها حيوية ونشاط وكل ده عشان كلامك وحبك هو اللي بيديها الطاقة دي غلطان يا عمر وبطريقتك دي هضيع منك ريتاچ البت اكيد مطلبتش الطلاق الا لما انت حسستها ان وجودها وعدمه واحد وانها مش فارقة معاك قوم يا عمر قوم نروح للبت وعايزاك تقولها كل اللي قولتهولي ده اوعاك تخبي مشاعرك تاني جرب صارحها وشوف انت رد فعلها ايه
كانت قاعدة ريتاچ في اوضتها وهي مڼهارة من العياط كل ما تفتكر ان خلاص عمر ساب البيت وانها هتطلق منه قلبها يوجعها علي قد معاملته معاها بس خوفه عليها واهتمامه بالبيت وولادهم مخليها تحس بالندم وانها اتسرعت لما طلبت الطلاق وانها كدة انانية عشان فكرت في نفسها بس ونسيت ولادها انتبهت ريتاچ لصوت جرس الباب فمسحت دموعها بسرعة وقامت عشان تفتح واول ما فتحت اتفاجأت بعمر قدامها عنيهم كان فيها كلام كتير وعمر لاحظ ان ريتاچ كانت بټعيط وقلبه وجعه
