رواية أولاد فريدة بقلم إيمان فاروق من الثامن والعشرين إلى الثلاثون والأخيرة

أولاد فريدة بقلم إيمان فاروق
الثامن والعشرين
تجلس في خزى وحزن بات على محياها فهى منذ قدومها لبيت اهلها وهى في حالة يرثى لها.. ليتها ما تعرضت لهذا الموقف معه لقد اهانها ورماها وكأنه لم يعشقها يوما لتحدث نفسها قائلة
_ يا يا كمال للدرجادي قدرت تستغني عني ..للدرجادي هنت عليك ليقطع شرودها دلوف أبيها المسن الذي يستشعر قلقها وحزنها ويوجعه صورتها تلك فهى ستدخل في حالة من الذهول مما جعله يردف قائلا

_ايه يا بنتي ..استهدي بالله كده واستغفري ربك ..عمرك مهتقدري تحلى شئ وانتي بالشرود والحزن ده ..يا بنتي جوزك مش وحش وطول عمره بيتقي الله فيكي واظن انك في الموضوع ده انتي الغلطانة .
تدخلت ام احلام بضيق من موقف أبنتها فهى على دراية كاملة بالأمر هى غلطانة وبس ..دي غرقانة في الغلط ..عمالة تعمل خطط علشان تسيطر على الواد الغلبان اللي أساسا بيدوب في هواها وقال ايه أمه بل بتأثر عليه .
واكملت مستطردة في ضيق وفيها إيه لما أمه تبقى ليها رأي معاه ..طالما مبتدخلش في حياتكم ..داللي ملوش خير في أمه ملوش خير مراته ولا عياله ..تقومي كمان تخريبي بين اخوه وبنت عمه لمجرد انك غيرانه من وجودها بينهم ونسيتي ان ربنا موجود وانك عندك بنات وممكن يتردلك فيهم والا انتي فكراها سيبه ..الا حق العباد يابتي ربنا مبيتهونش فيه أبدا ولازم يرد لكل واحد مظلمته وأكملت بوجل ربنا يسترها وميردوش فينا لأن قلبي واجعني من الصبح ومش مطمنة.
الأب بحنو فكم قست زوجته على أبنتهم وبرغم انها محقة في كل كلمة اقرتها إلا أن حزن أبنته ېقتل نابضه من الألم عليها فهي لم تترك فرصة بينها وبين زوجها للرجوع ولكن عليها تصحيح الوضع حتى وإن لم يعد اليها مرة ثانية مما جعله يتمتم قائلا
_ أحلام يابنتي برغم أن كلام أمك قاسې وبيوجع إلا أنه كله كلام صحيح مية بالمئة وانا كمان متضامن معاها لازم أهل جوزك يسامحوكي والبنت الغلبانه اللي اتهمتيها بالشين دي تغفرلك علشان متجيش في يوم من الأيام ويتردلك في بناتك. أما جوزك فربنا يقويه ويقدر يتجاوز المصېبة اللي هو فيها ويرد له امه بسلام يمكن وقتها يقدر يغفرلك كل عميلك السودة معاها ومعاه.
لم يكمل الحوار بينهم الا واتاهم اتصال من رقم ابنهم ليفتح الأب الخط بينهم ليتفاجأ بمن يقول صاحب الرقم كان راكب ميكروباص والميكروباص اتقلب بيهم وهو دلوقتي في مستشفى ... ولازم حد يجي من أهله.
استقبل الخبر وهو يهوي على المقعد الذي يجاوره حتى يهدئ من ترنحه الذي كاد ان يهوي به على الأرض مما جعل الزعر يتملك من الجميع ويتوجهون عليه في قلق ليزرف اليهم بما يجعلهم يهون في كبد الى الأرض ليهرولون جميعا متوجهين نحو المشفي التي يقطن بها شقيقها بعدما استجمعوا تشتتهم.
. . . . . . . . . .
ټحتضنها بقلب مفطور بعدما اختلت بها وقصت لها ما دار بينها وبين زوجها وقامت ايضا بقص روايات الآخرين مما اوجعها فهى لم تتوقع دنائة زوجتي ابنيها فهن لم يشعرن بتأنيب ضمائرهم ولكن برغم أنها اعتبرت قرار اولادها قاس بعض الشئ لكنها رأت أن هذا هو الحل في الوقت الحالى حتى تستشعر كل واحدة منهن خطئها فربما بعد ذلك يعدن الى رشدهن كما احزنها الأخبار التي تنم عن مرض حماة ابنها رءوف وموقف ابنتها منها فتلك السيدة قاست في حياتها كثيرا وما تتاها اليوم عن انباء شقيق أحلام الشاب الذي كان يتأهل ويستعد للزواج في خلال الفترة المقبلة ولكنه الأن يمكث في احد المشافي العامة في حالة حرجة ويحتاج الى إجراء أكثر من عملية مما جعلها تشفق على حالهم لتتمتم بالدعاء لهم جميعا ..فكم ارهقها كم هذه الأخبار المحزنة مما جعلها تهتف لأبنتها رهف قائلة 
_رهف يابنتي ..بالله عليك لتقفي جمب أخواتك ..دي شدة ولازم تقفوا جمب بعض والحمد لله أن محمد جوز اختك رجع لعقله ..عقبال ما اخواتك الرجالة يتهدي سرهم مع ان أحلام والا آمال ميستهلوش بس علشان اهاليهم وعيلهم مذنبهمش حاجة ..اما المعدول سامر فلازم يحمد ربنا انه نجاه من الحية اللي اسمها نشوة ويحاول بقى يصالح البنت الغلبانه اللي ملهاش ذنب في حاجة.
رهف بتمنى والله ياماما نفسي تكون من نصيبه لكن انا عرفت أن عمي هيوافق على العريس بس مستني لما يطمن عليكي الأول .
فردة بضيق متنهدة يعني ايه هو هيستهبل ابو هيام ..والا يقصد يعاقب الواد ..طب لما ارجعله اصل هيام دي بنتي وانا اللي هجوزها وعمرى مهسبها ابدا.
رهف من بين ضحكتها والله ياماما انتي عسل ..يعني لو ابنك سبها واتجوز كنتى عملتي ايه.
فريده بجدية هعمل ايه منا سبتلهم البيت كله علشان خاطرها وكنت هقطعهم العمر كله لو مكنوش رجعوا عن ظلمهم .
يعني ايه ياماما افهم من كده انك