عانس ولكن بقلم إيمان فاروق من الفصل السابع إلى التاسع

الأكبر .
توجهت سيهام للقابعة بالداخل في اڼهيار والتي حالها لا يزيد عنها بشئ فكلاهما لديها چرح نازف تحاول ان توارية خلف ابتسامة مغتصة تتبدل بينهن لتردف سيهام قائلة في محاولة لتهدئة العمة أيه يانؤة ..احنا بيهمنا الكلام دا بردوا ..انتي عارفة عمتو مدب وبتقول كلام متعرفش معناه .
سناء وهى تتوجه اليها ببصرها في محاولة لرسم الرضى انا عارفه ان ام هدى بتهزر ..بس الكلام وجعني قوي ..يعني الوحدة بتفقد قيمتها لمجرد أن محصلهاش نصيب مع زوجها وانفصلت ..ليه العيب بيكون على الست ..مش يمكن اجبرت على كده ..مفيش ست بتحب ان بيتها يتخرب ..ولا تفضل انها تعيش وحيدة ..بس في كرامة لازم تخافظ عليها ..الجواز شركة لازم تحترم قواعدها .
معاكي حق ياعمتوا ..احنا ملناش ذنب في كل ده ..ولا بأدينا وصلما للوضع ده ..يالا معلش قومي علشان بابا عيزك وانا هغير واجي علشان نروح للشيخ .
تجلس أمام طاولة الزينة الخاصة بها تمشط شعرها وتفكر في الحديث الدائر بينها وبين عمتها وتتحاور مع نفسها بهزبان تفكر فى ظروفها التى ينعتها الناس بها وكأنها سبة فى جبينها عاانس لتردف بضجر وهى تحرك رأسها بضيق من تلك الهواجز .
أنا ذنبى ايه انى اتأخرت فى الجواز ..يعنى ابقى خريجة جامعة وبتشتغل شغل محترم .. واضتطر أنى أوافق على أى شخص علشان اتخلص من لقب عانس .طب ازاى هقدر وليه منحترمش رغبات بعض اكتر من كده ..وظلت تفكر في من اتوا قبل سابق قائلة في خاطرها .
العريس الأولانى.. أرمل ومعاه تلات عيال وعايز مربية لأولاده مش زوجة لانه لسه عايش في ذكرى زوجته الأولى .
والتانى متجوز ومعاه قرشين وجعينه وعايز واحدة لمزاجه ومتعته الشخصية وكمان عايز اسيب شغلى علشان رجولته بتنقح عليه ...
والتالت غير انه مش متعلم فمفيش أى تكافؤ ما بينا يعني ايه ميعبوش غير جيبه وانا جيبي عمران ..عمر ما السعادة هتشترى بالمال ..فين المودة والرحمة والسكن..
وغيرو وغيرو ..يبقى أنا ذنبى ايه في الحياة .. علشان يتحكم عليا كده ..ليه ليه ليه ياربي حطني في الوضع دا 
..عادت من شرودها ومحاورة ذاتها على دلوف والدها بعد أن طرق باب غرفتها ولم تنتبه ..فشعر بالقلق
وفتح الباب ودخل ليطمئن عليها لتوجه اليها وهى واضعة وجهها خلف يديها متأثرة بشئ ما ..مما اثار فزع الاب ليهتف قائلا مالك ياقلب بابا ..فيكي ايه ياحببتي انتي تعبانه كفالله الشړ 
حركت رأسها بنفي وهي تمسح وجهها ساحبة الهواء لتزفره براحة حتى تهدئ من نفسها ومن صراعها الداخلي ابدا يابابا مفيش حاجة ..انا كويسة ..هكمل لبس الحجاب وهاجي وراك على طول ..بس ياريت تطيب بخاطر عمتو سناء ..احسن مچروحة قوي من كلام عمتو ام هدى ليها .
أومى لها الاب بالأسى متنهدا والله يابني معارف عقولهم دي بتقولهم ايه ..كل واحدة بتحدف طوب من بقها وترجع تقولك انا مقصدتش ..وفي الاخر علشان بعاتبها خدت في وشها وعتزرت ومشيت .. وبصراحة أنا سبتها تمشي علشان ميكونش في ضغط على سناء ..هى حساسة ومشاعرها مرقة من الي حصلها وانا حبيتها تهدي وكمان صممت انها تيجي معانا وقلت لأمك تستنى هى هنا .
أومت له بأعجاب فهو خير سند لها ولأخته أيضا تمام كده يا اجمل اب ..انت دايما صح . انهت الكلمات واعتدلت من هيئتها وتوجهت بصحبة الأب والعمات نحو بيت الشيخ الذي يبتعد عنهم بعدة شوارع فقط .